شعر آنـــا تقديم به همه ي مادران كه رنج می کشن و محبت می آفرینند.
چاره سيز خسته لرين ، دردینه درمان آنادي
دفتر عشق و وفا ، مشقينه پايان آنادي
سينه سي دشت بلا ، آتش بحراندا يانير
سارالان ياز گولي تك ، تشنه ي باران آنادي
هر بلا درده دوزر ، شرط محبتده اوزی
گر مصیبت داغ اولا ، صبريده طوفان آنادي
عشق پروانه سی تک ، شمع ائولاده گئنه
يانديران بال و پرين ، عاشق عريان آنادي
آي دئسون اوخشاري وار ، اولدوزا چوخ بنزری وار
زر شناس اولسون اگر ، دُرّ بدخشان آنادي
اوكي هر صبحه كيمي ، ياتمادي غمنن گئجه لر
سنه لاي لاي اوخويان ، بلبل نالان آنادي
شاهليقين شيوه سي وار ، مَسندي مين لشگري وار
تاج و تختسيز جاهانا ، سرور و سلطان آنادي
مني حيران ائلييه ن ، دنيادا بير مسئله دي
نييه ائولاد اوتینا ، دنیاسی تالان آنادي
آناوين قدريني بيل ، زاهد اگر شاه اولاسان
چون اميبسن سوتيني ، چشمه ي احسان آنادي
شعر : زعفر نظرزاده زاهد
طوفان عشق...برچسب : نویسنده : zafar-zahed بازدید : 297