آخرین مطالب
امکانات وب
گلديم قاپووا
سن اورك مرهمي سن ، درمانا گلديم قاپووا
بوكرامت كي وارون ، احسانا گلديم قاپووا
من گدايم ولي ايمان و فضيلتده وزير
كسب تكليف ائلئييب ، سلطانا گلديم قاپووا
سن طبيعت گولي سن منده كنارونده تيكان
سنون عشقونده دوشوب ، بحرانا گلديم قاپووا
عشقيمين رونقي گئتدي فلك اولدي سببی
ساراييم دوشدي سئله ، طوفانا گلديم قاپووا
ايندي باخ ناله سسيم عرشه چاتيبدير مدد ائت
بولبوليم ياندي غم هجرانا گلديم قاپووا
كوچه ی عشقيده ظلمت گئجه ني صبح ائله ديم
آمما سن چيخمادين هئچ ايوانا گلديم قاپووا
گوزوون غمزه سي اوخدير ولي ابروسي كمان
عاشق اولدوم او كمان پيكانا گلديم قاپووا
گرچه پوزدون يازيلان عهد و وفا پيمانيني
ولي من عهد ائلئييب پيمانا گلديم قاپووا
اذن وئر ايندي ئولوم بلكه طبيعت دولانا
چون جهانيم داي اولوب غم خانا گلديم قاپووا
اوره گيم غمله دولوب يوخدي تسلايه گلن
گوتيريب الده نئچه پيمانا گلديم قاپووا
بير ايچيم جام شرابؤننن اولؤم مست و خمار
تا بو عشقين حديثي باشلانا گلديم قاپؤوا
آمما سن دوشدون اوزاغ منده فراقونده اسير
گئنه لعنت اوخئييب شبطانا گلديم قاپؤوا
زاهدم عشقي قمارينده اليم اولدي پؤتؤر
اؤتؤزؤب عقلي اولؤب ديوانا گلديم قاپؤوا
زعفر نظرزاده زاهد
طوفان عشق...برچسب : نویسنده : zafar-zahed بازدید : 319